Oblys ortalyǵy Taldyqorǵan qalasynda ótken tazalyq sharasyna 3 myńǵa jýyq adam qatysty. Jınalǵan qoqysty tasyp shyǵarýǵa qala boıynsha 13 arnaıy tehnıka jumyldy. Osylaısha «Birge.TazaQazaqstan» respýblıkalyq aksııasyna qatysýshylar Taldyqorǵan qalasynyń aýmaǵynda ornalasqan Qaratal, Balyqty ózenderiniń jaǵalaýyn, Ortalyq basseın, Jeńis, Ardagerler saıabaqtaryn jáne qala kóshelerin qoqystan tazartyp, jalpy aýmaǵy 220 gektar jerde jınaý jumystaryn júrgizdi.
- Alǵash ret «Birge.TazaQazaqstan» respýblıkalyq aksııasy elimizdiń ekologııa, geologııa jáne tabıǵı resýrstar mınıstri Maǵzum Myrzaǵalıevtiń bastamasymen ótkeni belgili. Qazir bul aksııa el kóleminde uıymdastyrylyp otyr. Osy oraıda Taldyqorǵan qalasynyń jurtshylyǵy da belsendilik tanytýda. Senbilikke kelip, qoldaý kórsetý arqyly biz tazalyqqa erekshe kóńil bólýdi óskeleń urpaqqa úlgi kórsetemiz. Sondyqtan da bul shara aldaǵy ýaqytta jalǵasyn tabady,- deıdi Taldyqorǵan qalasynyń ákimi Ǵalymjan Ábdiraıymov.
Almaty oblysy